Վրաստանում 2 ժամվա ընթացքում ընտրություններին մասնակցել է ընտրողների 7,26%-ը

Վրաստանում ժամը 10:00-ի դրությամբ նախագահական ընտրություններին մասնակցել է ընտրության իրավունք ունեցող քաղաքացիների 7,26 տոկոսը. հայտնում է РИА Новости-ն: Այսօր տեղի է ունենում ընտրությունների երկրորդ փուլը:

Առաջին փուլում նախագահի պաշտոնին հավակնում էր 25 թեկնածու, սակայն նրանցից ոչ մեկին չի հաջողվել անհրաժեշտ քանակությամբ քվեներ հավաքել: Արդյունքում` երկրորդ փուլ են անցել իշխող «Վրացական երազանք» կուսակցության աջակցությունը վայելող անկախ թեկնածու Սալոմե Զուրաբիշվիլին և «Ուժը միասնության մեջ է» ընդդիմադիր միավորումից նախագահի թեկնածու, նախկին իշխող «Միացյալ ազգային շարժում» կուսակցության անդամ Գրիգոլ Վաշաձեն: