Աբովյանում նպաստներ տալու համար կաշառք են պահանջել. 12 քաղաքացի հաղորդում է ներկայացրել

Yerkir.am-ի տեղեկություններով` Կոտայքի մարզի 12 քաղաքացի կաշառքի վերաբերյալ հաղորդում է ներկայացրել ոստիկանություն: Քաղաքացիները հայտնել են, որ նպաստների տրամադրման և նպաստառուների ցուցակում ընդգրկվելու համար իրենցից Աբովյան քաղաքի սոցիալական ապահովության պետական գործակալությունում գումար են պահանջել։

Մեր հարցմանն ի պատասխան` գլխավոր դատախազությունից հայտնեցին, որ ներկայացված հաղորդումներից 10-ի հիման երեկ հարուցվել է քրեական գործ կաշառք տալու և ստանալու փաստով: Մասնավորապես 3 հաղորդման հիման վրա քրեական գործը հարուցվել է ՀՀ Քրեական օրենսգրքի 311,1 3-րդ մաս-ի 2-րդ կետի և 312-րդ հոդվածի 2-րդ մասի հատիկանիշներով։

7 հաղորդման հիման վրա քրեական գործը հարուցվել է ՀՀ Քրեական օրենսգրքի 311 հոդվածի և 312-րդ հոդվածի 1-ին մասի հատկանիշներով։ Ըստ դատախազության` պետությանը պատճառվել է 2 մլն 352 հազար դրամի վնաս։