Բերման է ենթարկվել Արթիկում 7 մլն. դրամի ոսկյա զարդերի կողոպուտի փորձ կատարած անձը

Հունիսի 22-ին, ժամը 18.30-ին, ոստիկանության Արթիկի բաժնում 1989 թ. ծնված Մուշեղ Հ.-ն հաղորդում է տվել, որ նույն օրը, ժամը 17.00-ի սահմաններում, Արթիկ քաղաքում գտնվող, իրեն պատկանող ոսկու խանութի հետնաբակում 1986 թ. ծնված Ենոք Դ.-ն հարվածել է իրեն և խանութի մոտ կայանված իր «Հունդայի Սանտաֆե» մակնիշի ավտոմեքենայի սրահից փորձել է հափշտակել 7.000.000 դրամ արժողությամբ ոսկյա զարդերը, սակայն հանդիպելով իր կողմից դիմադրության դիմել է փախուստի, որը կանխվել է տարածքում ծառայություն իրականացնող ոստիկանի կողմից:

Ենոք Դ.-ն ձերբակալված է:

Նշանակվել է ապրանքագիտական փորձաքննություն:

Կատարվում է քննություն: