Վստահ չեմ, որ «Արսենալ»-ն ունի Մխիթարյանի կարիքը. Լեմպարդ

Անգլիայի հավաքականի ու Լոնդոնի «Չելսի»-ի  նախկին կիսապաշտպան Ֆրենկ Լեմպարդը կարծիք է հայտնել, որ «Արսենալ»-ը չունի  հայ կիսապաշտպան Հենրիխ Մխիթարյանի կարիքը:

«Այս իրավիճակում «Մանչեսթեր Յունայթեդ»-ի համար  սա լավագույն գործարքն է:  Չեմ ցանկանում թերագնահատել Մխիթարյանին, բայց վստահ չեմ, որ լոնդոնյան ակումբն ունի  հայ ֆուտբոլիստի կարիքը»,- Լեմպարդի խոսքերն է հաղորդում BT Sport-ը:

Հիշեցնենք, որ «Արսենալ»-ի հարձակվող Ալեքսիս Սանչեսը պայմանագիր կստորագրի մանչեսթերյան ակումբի հետ: Հայ ֆուտբոլիստը ներառված է հենց այս գործարքում:  Սպասվում է, որ 2 ֆուտբոլիստների տեղափոխության մասին պաշտոնապես կհայտարարվի այսօր: