Ունենք խիստ թերբեռնված և գերբեռնված դպրոցներ. Լևոն Մկրտչյան

Այսօր կառավարության նիստից հետո ԿԳ նախարար Լևոն Մկրտչյանը լրագրողների հետ զրույցում, պատասխանելով այն հարցին, թե ինչպես է վերաբերում վարչապետի` դպրոցների օպտիմալացման վերաբերյալ ծրագրին, ասաց. «Մենք ունենք հանձնարարական վարչապետից: Կամփոփենք ծրագիրը, խոսքը վերաբերում է ֆինանսավորման նոր մեխանիզմների ձևավորմանը և քաղաքային դպրոցների վերախմբավորմանը: Մենք ունենք խիստ թերբեռնված դպրոցներ և գերբեռնված դպրոցներ: Հետագայում կվերանայենք դպրոցական ամբողջական համալիրի զարգացման սխեման»:

Նրա խոսքով` կլինեն հաստիքների հետ կապված հստակեցումներ,սակայն հաշվի կառնվեն բոլոր կողմերի շահերը: Կներկայացվեն զարգացման խնդիրները, որոնք կունենան սկզբունքներ: Դա նախ կվերաբերի քաղաքային դպրոցներին: Եվ եթե կողք կողքի թերբեռնված դպրոցներ են գործում, ուստի ավելի տրամաբանական է միավորել այդ դպրոցները: