Պուտինը կխոսի իրավապահների հետ Չեչնիայում համասեռամոլների հալածանքների վերաբերյալ

ՌԴ նախագահ Պուտինը խոստացել է մարդու իրավունքների լիազոր ներկայացուցիչ Տատյանա Մոսկալկովային, որ կխոսի  ՌԴ ներքին գործերի նախարարության ղեկավարի հետ Չեչնիայում համասեռամոլների իրավունքների մասին: Ավելի վաղ լրատվամիջոցները հաղորդել են, որ Չեչնիայում համասեռամոլներին հետապնդում են, փորձությունների ենթարկում, սպանում:

«Իհարկե ես կխոսեմ գլխավոր դատախազի հետ այն ամենի մասին,թ ե ինչ է կատարվում Հյուսիսային Կովկասում ոչ ավանդական սեռական կողմնորոշում ունեցող մարդկանց նկատմամբ»- ասել է Պուտինը:

ՌԴ նախագահը առաջին անգամ է շոշափում Չեչնիայում համասեռամոլների իրավունքների պաշտպանության հարցը: Ռուսական լրատվամիջոցները օրերս գրել էին մի հետաքննության մասին, որով պարզ է դառնում, որ Չեչնիայում վերջին շաբաթների ընթացքում տասնյակ մարդկանց էին բերման ենթարկել` նրանց կասկածելով ոչ ավանդական սեռական կողմնորոշման մեջ: Լրատվամիջոցները նաև հաղորդել են, որ հայտնի է երեք տղամարդու մասին, որոնք սպանվել են` համասեռամոլ լինելու պատճառով: