«Արցախի ժողովրդի իրավունքի իրացումը հիմնաքարային նշանակություն ունի». Է. Շարմազանով

Քիչ առաջ ավարտվեց ՀՀԿ ԳՄ նիստը: Նիստի ընթացքում ՀՀ նախագահը ներկայացրել է Բրյուսել կատարած այցի արդյունքները: Քննարկվել է նաև  նախընտրական քարոզարշավի հետ կապված հարցեր:

«Նախագահի այցը Բրյուսել՝ գնահատում ենք արդյունավետ»,–  ՀՀԿ ԳՄ նիստից հետո լրագրողների հետ ճեպազրույցի ընթացքում նշեց ՀՀԿ խոսնակ Էդուարդ Շարմազանովը:

Շարմազանովն ասաց, որ ՀՀ-ն ցանկանում է զարգացնել իր հարաբերությունները եվրոպական կազմակերպությունների հետ:

ՀՀԿ խոսնակը շեշտեց,որ նախագահը Բրյուսել կատարած այցի ժամանակ անդրադարձել է Ադրբեջանի  ապակառուցողական  դիրքորոշմանը:

Ըստ խոսնակի՝ խոսելով Արցախյան հարցի կարգավորման մասին՝ ևս մեկ անգամ հարկ է նշել,որ այս հարցում հիմնաքարային նշանակություն ունի Արցախի ժողովրդի իրավունքի իրացումը: