Հայաստանը Ռուսաստանից զենք է գնում արտոնյալ պայմաններով. Կորյուն Նահապետյան

Հայաստան-Ռուսաստան ռազմաքաղաքական համագործակցությունը չի կարող լինել խոչընդոտ այլ երկրներից զենք գնելու համար. լրագրողների հետ զրույցում ասաց ԱԺ ՀՀԿ խմբակցության պատգամավոր, ԱԺ պաշտպանության և ազգային անվտանգության հարցերի հանձնաժողովի նախագահ Կորյուն Նահապետյանը:

Նրա խոսքով՝ այդ առումով թյուր կարծիք է ձևավորվել. Հայաստանը կարող է ցանկացած այլ երկրից զենք գնել: 

Հարցին, թե ինչո՞ւ այդ դեպքում Հայաստանն այլ երկրներից զենք չի գնում, Կորյուն Նահապետյանը պատասխանեց, որ Հայաստանը Ռուսաստանից զենք է գնում արտոնյալ պայմաններով, այսինքն` այդ համատեքստում պետք է նայել, թե այլ երկրներն ինչ պայմաններով ու ինչ գնով են վաճառում զենքը: