10 օրից պատրաստ կլինի զոհված զինծառայողների ընտանիքներին կայուն եկամտով ապահովելու օրենքի նախագիծը

Այսօր` կառավարության նիստից հետո, լրագրողները էկոնոմիկայի նախարար Արծվիկ Մինասյանից հետաքրքրվեցին, թե ո՞ր փուլում է ապրիլյան ռազմական հակամարտության ժամանակ զոհվածների ընտանիքների անդամներին երկարաժամկետ կայուն եկամուտ ապահովելու հարցը:

 Արծվիկ Մինասյանը պատասխանեց, որ այդ նախագիծը  գտնվում է կառավարությունում` ներքին շրջանառության մեջ: «Կարծում եմ, որ 10 օրվա ընթացքում այդ քննարկումների արդյունքները կամփոփենք, կհրապարակենք նախագիծը, նաև` ի տես բոլորի, և կսկսենք աշխատանքները»,- ասաց նախարարը` հավելելով, որ այդ նախագիծը իրականություն դարձնելը ենթադրելու է բարդ ու քրտնաջան աշխատանք` պաշտպանության, աշխատանքի և սոցիալական հարցերի նախարարությունների, սոցիալական ծառայությունների ներգրավմամբ: