Եթե ասեմ` թուրք հանցախմբեր, կլինի՞. Թուրքիայում հայ պատգամավորը բարձրացրել է հայատյացության հարցը

Թուրքիայի Ժողովուրդների դեմոկրատական կուսակցությունից հայ պատգամավոր Կարո Փայլանը խորհրդարանում բարձրացրել է հայատյացության հարցը:

Ըստ Habertürk-ի՝ խորհրդարանում  նա ցուցադրել է մի շենքի պատին արված «հայ բճեր» գրության լուսանկարը:

«Դժբախտաբար, սա միայն ուժայինները չեն անում: Վարչապետն էլ Բինգյոլում ասել էր. «Առաջին համաշխարհային պատերազմի ժամանակ հայ հանցախմբերը համագործակցել էին ռուսների հետ»: Ներկայումս թե\' թուրքերը, թե\' քրդերը անդամակցում են ԻՊ-ին: Հիմա եթե ես ասեմ՝ թուրք հանցախմբեր, դա ինչպիսի՞ խտրականություն կլինի: Պարոն վարչապետն էլ է բացահայտ խտրականություն դրսևորել»,- ասել է Փայլանը:

Թուրք պատգամավորները, սակայն, փորձել են իրենց ելույթներով հակադարձել նրան: