Երրորդմասցի Լյովիկի սպանության գործն ուղարկվեց ԱԱԾ

Այսօր ՀՀ գլխավոր դատախազությունը քննչական կոմիտեից պահանջել է «Նուբարաշեն» ՔԿՀ-ի դիմաց տեղի ունեցած` երեք սպանությունների փաստով հարուցված քրեական գործը և այն համապատասխան կարգով ուղարկել ԱԱԾ: Այս տեղեկությունը yerkir.am-ի հետ զրույցում հաստատեցին ՀՀ գլխավոր դատախազությունից:

Հիշեցնենք, որ երեկ երեք դիմակավորված անձինք տարբեր տեսակի զենքերից կրակ էին բացել կալանավայրի ավտոկայանատեղիի ուղղությամբ, ինչի արդյունքում սպանվել էին քրեական հեղինակություն Երրորդմասցի Լյովը` Լևոն Ղազարյանը, Դերոն` Դրաստամատ Թադևոսյանը և Մեսրոպ Նազարյանցը: Հանցագործները դեպքի վայրում էին թողել զենքերը և փախուստի դիմել` շարժվելով Նուբարաշենի շենքերի ուղղությամբ: