Գնաճի նվազումը պայմանավորված է տնտեսական աճի ցածր տեմպով. ԿԲ

2014թ. անցած 9 ամիսների ընթացքում տարեկան գնաճի նվազումը հիմնականում պայմանավորված է եղել ներդրումների ցածր մակարդակով` մասնավոր սպառման աճի տեմպի դանդաղմամբ: Այս երկու գործոնները հանգեցրել են տնտեսական աճի տեմպի դանդաղ ընթացքին, ինչն էլ իր հերթին հանգեցրել է կանխատեսվող գնաճի նվազման: 2014 թ. անցած 3 եռամսյակների ընթացքում գրանցվել է 0.8% գնանկում` նախորդ տարվա նույն ժամանակահատվածի 3.2% գնաճի համեմատ:

 

Այս գնանկման հետևանքով 12-ամսյա գնաճը 2014թ. սեպտեմերի վերջին նվազել է մինչև 1.5%` գտնվելով թույլատրելի միջակայքի ստորին սահմանից ներքև: Թեև գնաճը կանխատեսված մակարդակից ցածր է, բայց 2014 թ երրորդ եռամսյակում, Կենտրոնական բանկի կատարած հարցման արդյունքներով, ֆինանսական համակարգում գնաճային սպասումները առաջիկա մեկ տարվա համար էապես չեն փոխվել և պահպանվել են 4.5 - 5.0% միջակայքում: