Այս դեպքն ապացուցեց, որ իմ գործունեությունը շատերին է անհանգստացնում. ԲՀԿ-ական պատգամավոր

Արդեն տեղեկացրել ենք, որ երկուշաբթի ուշ երեկոյան Ավան վարչական շրջանում ԱԺ ԲՀԿ-ական պատգամավոր Վահե Էնֆիաջյանի ծառայողական մեքենայի հետնամասի ապակին կոտրել են, ամեն ինչ տակուվրա արել և գողացել միայն փաստաթղթեր:

Այս կապակցությամբ պատգամավորը ֆեյսբուքյան իր էջում գրել է. «Փաստն արձանագրված է, կսպասենք իրավապահ մարմիների գնահատականներին: Այս դեպքն ապացուցեց, որ իմ գործունեությունը շատերին է անհանգստացնում: Նշեմ, որ այսուհետ, անկախ ամեն ինչից, էլ ավելի մեծ թափով եմ իմ գործունեությունը ծավալելու: Իմ և իմ թիմի գործն արդար է, մենք աշխատում ենք ժողովրդի համար և ոչինչ չի կարող խանգարել մեզ այդ գործում»: