Ռուսաստանում կինը վարձել է ադրբեջանցու՝ հայ ամուսնուն սպանելու համար

Ռուսաստանի Ուլյանովի մարզում իրավապահներն իրենց եզրակացությունն են ներկայացրել Դիմիտրովգրադի ձեռներեցներից մեկի սպանության գործով: Նրանք նրա սպանության մեջ գլխավոր կասկածյալ են համարում նրա կնոջը, ով անձնական դրդապատճառներով պատվիրել է ամուսնու սպանությունը. հայտնում է ulpressa.ru-ն:

Տեղեկության համաձայն՝  այս տարվա ապրիլ-հոկտեմբերին մեղադրյալն անձնական հակակրանքի հողի վրա որոշել է իրականացնել իր 36-ամյա ամուսնու՝ Ամիրամ Ալոյանի սպանությունը:

Այդ նպատակով 2014-ի հոկտեմբերին նա պատվիրել է այդ հանցագործությունը իր և իր ամուսնուն պատկանող հացի արտադրամասի աշխատակիցներից մեկին:

Վարձու մարդասպանը՝ Ադրբեջանի քաղաքացի,  հոկտեմբերի 8-ին, գտնվելով Դիմիտրովգրադի Սվիրսկայա փողոցի տներից մեկի շքամուտքում, կրակել է ձեռներեցի ուղղությամբ: Ստացած հրազենային վնասվածքից տղամարդը տեղում մահացել է: