Ռուսաստանի՝ Կոսովոյի վերաբերյալ դիրքորոշումն անփոփոխ է. Պուտին

ՌԴ նախագահ Վլադիմիր Պուտինը Սերբիա պաշտոնական այցի ժամանակ հաստատել է Կոսովոյի հարցի շուրջ Ռուսաստանի սկզբունքային դիրքորոշումը. հայտնում է РИА Новости-ն:

«Դուք հիշատակեցիք Կոսովոյի վերաբերյալ Ռուսաստանի դիրքորոշումը: Ռուսաստանը սկզբունքային դիրքորոշում ունի, և այն հիմնված է ոչ միայն մեր բարեկամության և մտերմության, այլ նաև միջազգային իրավունքի և արդարության վրա»,- ասել է Պուտինը Սերբիայի նախագահ Տոմիսլավ Նիկոլիչի հետ հանդիպման ժամանակ:

«Մեզ համար այսօր շատ թանկ արժե ձեր աջակցությունը Սերբիայի տարածքային ամբողջականության պահպանման և անկախության, հատկապես՝ Կոսովոյի հարցում»,- ի պատասխան ասել է Սերբիայի նախագահը: