Ադրբեջանը հիանալի երկիր է, ունի հիանալի ղեկավար. Ժիրինովսկի

Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին, ով այցով գտնվում է Բաքվում, հայտարարել է, որ «Ադրբեջանը հիանալի երկիր է և ունի հիանալի ղեկավար»:

«Առաջին անգամ եմ Ադրբեջանում: Հիանալի երկիր, հիանալի ղեկավար»,- ասել է նա:

Խոսելով Ադրբեջանում ռուսերենի պահպանման խնդրի մասին` Ժիրինովսկին ասել է, որ  Ադրբեջանում շատ լավ պահպանվել են ռուսալեզու դպրոցները, և լավ կլիներ մեծացնել այդ դպրոցների թիվը:

 Ժիրինովսկիին Ադրբեջանում ընդունել է նաև երկրի նախագահ Իլհամ Ալիևը: 

Ուշագրավ է, որ դեռ մի քանի ամիս առաջ ՌԴ Պետդումայի նիստում ելույթ ունենալիս Ժիրինովսկին ադրբեջանցիների համար վիրավորական հայտարարությամբ էր հանդես եկել՝ ասելով. «Ադրբեջանցինե՞ր...նման ազգ կա՞»: