Շանթ Հարությունյանին նոր մեղադրանք է առաջադրվել

Նոյեմբերի 5-ին Երեւանի կենտրոնում տեղի ունեցած անկարգությունների գործով կալանավորված Շանթ Հարությունյանին առաջադրված մեղադրանքից հանվել է ՀՀ 316-րդ հոդվածի 2-ին մասը` իշխանության ներկայացուցչի նկատմամբ բռնություն գործադրելը: Նրան նոր մեղադրանք առաջադրվել` ՀՀ քրեական օրենսգրքի 258-րդ հոդվածի 4-րդ մասով՝ զենքի կամ որպես զենք օգտագործվող առարկաների գործադրմամբ խուլիգանությունը: Այս մասին yerkir.am-ին հայտնեց Հարությունյանի պաշտպան Ինեսա Պետրոսյանը: Նա նշեց, որ իրենց համար նոր մեղադրանք առաջադրելը զարմանալի չէր, քանի որ նախաքննության ընթացքում անընդհատ շահարկվում էր այդ հարցը:

Նշենք, որ ՀՀ ՔՕ 258-րդ հոդվածի 4-րդ մասով նախատեսված հանցանքը պատժվում է ազատազրկմամբ՝ չորսից յոթ տարի ժամկետով:

Ի դեպ, նոյեմբերի 5-ի գործով նախաքննությունը գրեթե մոտենում է ավարտին: