Ճանապարհները փակել են` այսօր հանրահավաք կա

Ըստ ilur.am-ի` Հայաստանի տարբեր քաղաքներից ստացվում են տեղեկություններ ՀՀ իշխանությունների ավանդական դարձած ապօրինությունների մասին: Վանաձորում, Էջմիածնում, Արմավիրում գծերից հանվել են երթուղային ավտոբուսները, վարորդներին էլ սպառնալիքի ներքո արգելվում է ուղևորվել Երևան: Կապանում և Սիսիանում, բացի երթուղայինների անգործությունից, նաև առկա են ոստիկանության տարբեր ստորաբաժանումների կուտակումներ ճանապարհներին, որոնց նպատակն է խոչընդոտել քաղաքացիների ազատ տեղաշարժին: Այս պահին ճշտվում են տեղեկությունները նաև այլ քաղաքներում ստեղծված իրավիճակի մասին:

Հիշեցնենք, որ այսօր Հայ ազգային կոնգրեսը ժամը 15:00 -ին Երեւանի Ազատության հրապարակում հանրահավաք է անցկացնելու: