ԱՄՆ-ը մերժել է ''Հազարամյակի մարտահրավերներ'' ծրագիրը Հայաստանի համար

ԱՄՆ-ը մերժել է «Հազարամյակի մարտահրավերներ» ծրագիրը Հայաստանի համար: Լրագրողների հետ զրույցում ՀՀ ֆինանսների նախարար Դավիթ Սարգսյանը կարծիք հայտնեց, որ այդ մերժումը կապ չունի ո'չ Հայաստանում կոռուպցիայի մակարդակի, ո'չ խոսքի ազատության և տնտեսության զարգացման մակարդակի հետ, որովհետև այդ չափանիշների ֆորմալ ցուցանիշները բավարարում էին, որպեսզի ԱՄՆ կառավարությունը չմերժեր այդ ծրագիրը:

Նախարարի խոսքով` ամերիկացի գործընկերները տեղեկացրել են, որ կան բյուջետային սահմանափակումներ, և տասը երկրից մեկը կարող էր ընդգրկվել այդ ծրագրում, այնպես որ` Հայաստանի ընդգրկվելու հավանականությունը այդքան էլ բարձր չէր:

Նախարարը հավելեց, որ ինքը որևէ այլ պատճառ չգիտի, թե ինչու են Հայաստանին մերժել: «Կան երկրներ, որոնք միգուցե ավելի շատ կարիք ունեն օգնության, քան Հայաստանը»,- ասաց նախարարը: