Ակցիա դատարանի մոտ` ընդդեմ Վարդան Պետրոսյանի կալանքի

Քիչ առաջ ՀՀ վերաքննիչ դատարանում մեկնարկեց Վարդան Պետրոսյանի պաշտպանի կողմից դերասանի խափանման միջոց ընտրված կալանավորումը բողոքարկելու գործով դռնփակ դատական նիստը:

Yerkir.am-ի թղթակիցը դատարանի մոտից տեղեկացնում է, որ այս պահին հիսունից ավելի քաղաքացիներ, այդ թվում` դերասաններ, հավաքվել են դատարանի շենքի առջեւ եւ պահանջում են արդար վճիռ կայացնել: Այստեղ են նաեւ «Ժառանգություն» կուսակցության անդամներ Անահիտ Բախշյանը եւ Ստեփան Սաֆարյանը: Վերջինս լրագրողների հետ զրույցում նշեց, որ իրենք այստեղ են` որպես քաղաքացի, եւ պահանջում են արդար քննություն: Սաֆարյանը նաեւ ընդգծեց. «Այն, որ պատգամավորները խոստացել էին երաշխավորագիր ներկայացնել, դա բավական էր, որ կալանքը հանվեր»: