Խոշորամասշտաբ հոսանքազրկման պատճառը հայտնի է

Նոյեմբերի 2-ին` ժամը 10.25-ից, Երևան քաղաքում և Հայաստանի որոշ մարզերում դադարեցվել է էլեկտրամատակարարումը: Ըստ նախնական տվյալների` տեղի է ունեցել համակարգի խափանում:

Տեղեկություն էր ստացվել նաև, որ մետրոպոլիտենի որոշ շարժակազմերի աշխատանքն է խափանվել է. ժամը 11.17-ի դրությամբ քաղաքացիներն անվնաս դուրս են բերվել շարժակազմերից: Այս պահի դրությամբ Երևանի մի շարք համայնքներում և հանրապետության որոշ մարզերում  էլեկտրամատակարարումը վերականգնվել է:

ՀՀ արտակարգ իրավիճակների նախարարությունը հայտնում եէ որ ստեղծված իրավիճակը պարզաբանելու նպատակով կապ է հաստատվել ՀՀ էներգետիկայի փոխնախարար Լևոն Շահվերդյանի հետ, ով հաղորդել է, որ հոսանքազրկումը տեղի է ունեցել ռելեային պաշտպանման համակարգի (ՌՊՀ) գործադրման պատճառով: Տտվյալ պահի դրությամբ կատարվում են աշխատանքներ ՌՊՀ-ի գործադրման հնարավոր պատճառները բացահայտելու ուղղությամբ: