Կարապետ Ռուբինյանը նոր է վերադարձել Բեյրութից, բայց դարձյալ գնալու է

Կարապետ Ռուբինյանը վերջին անգամ հասարակական-քաղաքական ակտիվություն էր ցուցաբերել վերջին նախագահական ընտրությունների նախընտրական շրջանում: Սակայն ընտրություններից հետո ոչ միայն տեսանելի չէր նրա ակտիվությունը, այլեւ տեսանելի չէր հենց նրա անձը: Պարզվում է` Կարապետ Ռուբինյանը մեկնել է Բեյրութ:

Yerkir.am-ի հետ զրույցում նա ասաց, որ երեկ է Բեյրութից վերադարձել` հատուկ ՀՀՇ համագումարին մասնակցելու համար: Նա նշեց, որ Բեյրութ մեկնել էր ժամանակավոր, ընտանեկան հարցերով: Հարցին` շարունակելո՞ւ է զբաղվել քաղաքականությամբ, պատասխանեց. «Ի վերջո, այո, իհարկե: Բայց առայժմ Բեյրութում եմ ապրելու: Հենց հնարավորություն լինի, անպայման կմտնեմ ակտիվ քաղաքականություն, առայժմ կփորձեմ նաև հեռակա կարգով զբաղվել քաղաքականությամբ»: