Շախմատային լրահոս

Գրոսմայստեր Սամվել Տեր-Սահակյանը, միջազգային վարպետ Վահե Բաղդասարյանը եւ ՖԻԴԵ-ի վարպետ Մարիա Գեւորգյանը կմասնակցեն սեպտեմբերի 13-ին Թուրքիայի Խոջաելի քաղաքում սկսվող աշխարհի Մ20 պատանիների եւ աղջիկների առաջնությանը:

Կանանց գրոսմայստեր Տաթեւ Աբրահամյանը ԱՄՆ Գրինսբորո քաղաքում ավարտված օփենում լրացրեց տղամարդկանց միջազգային վարպետի նորմա: 

Օլիմպիական չեմպիոն Գաբրիել Սարգսյանը «Մեջիք Էքստրեմադուրա» ակումբի կազմում մասնակցում է Իսպանիայի թիմային առաջնությանը: Առաջին երկու տուրում Սարգսյանը հանդիպեց կուբացի գրոմայստերների հետ: Հայ գրոսմայստերը նախ սեւերով ոչ-ոքի խաղաց Լազարո Բրուզոնի հետ, իսկ ապա պարտության մատնեց Լենիեր Դոմինգես Պերեսին: Երրորդ տուրում Սարգսյանի մրցակիցն է ֆրանսիացի գրոսմայստեր Էթիեն Բաքրոն. հայտնում է armchess.am-ը: