Ադրբեջանական պատվիրակությունը հրաժարվել է ժամանել Երեւան

Ադրբեջանական պատվիրակությունը չի մասնակցի այսօր Երեւանում անցկացվող` ԵԽԽՎ Մշտական հանձնաժողովի եւ Բյուրոյի նիստերին: Այդ մասին ադրբեջանական APA գործակալությանը հայտնել է ԵԽԽՎ-ում ադրբեջանական պատվիրակության ղեկավար Սամեդ Սեիդովը` չմանրամասնելով հրաժարվելու պատճառները:

Նիստերի օրակարգում հիմնականում ԵԽ Նախարարների խորհրդում Հայաստանի վեցամսյա նախագահության առաջնահերթություններն են եւ ԵԽԽՎ-ի հետ այդ եվրոպական կառույցի քաղաքական երկխոսության հարցերը, օրինակ` քննարկվելու է ԵԽ 2014-2015թթ. բյուջեն:

Բացի այդ` ԵԽԽՎ-ում Եվրոպական ձախեր (UEL) խումբը առաջարկել է բանավեճ անցկացնել «Ղարաբաղյան հակամարտությունը` 25 տարի անց. ԵԽ-ի հնարավորությունները Հայաստանի եւ Ադրբեջանի հաշտեցման համատեքստում» թեմայով: