Սթիվեն Հոքինգը բոյկոտում է Իսրայելը

Աշխարհահռչակ բրիտանացի աստղաֆիզիկոս Սթիվեն Հոքինգը հրաժարվել է մասնակցել Իսրայելում անցկացվելիք գիտաժողովին` ի նշան բողոքի Պաղեստինի նկատմամբ այդ երկրի վարած քաղաքականության. տեղեկացնում է Интерфакс-ը` վկայակոչելով Պաղեստինի համալսարանների աջակցության բրիտնական հանձնաժողովի հայտարարությունը:

«Նա անկախ որոշում է կայացրել` միանալ բոյկոտին` հիմնվելով Պաղեստինի մասին իր գիտելիքների եւ պաղեստինցի գործընկերների միահամուռ առաջարկի վրա»,- ասվում է հայտարարության մեջ, որը տարածվել է գիտնականի համաձայնությամբ:

Բրիտանական The Guardian թերթն, իր հերթին, գրում է, որ այդպիսով Հոքինգը միանում այն հայտնի բրիտանացիներին, ովքեր հրաժարվել են մեկնել Իսրայել:

«Հայացք ապագային» 5-րդ միջազգային գիտաժողովն անցկացվելու է հունիսին Իսրայելում: