ԵԱՀԿ նախագահը կոչ է անում խաղաղություն բերել տարածաշրջան

ԵԱՀԿ գործող նախագահ, Ուկրաինայի արտգործնախարար Լեոնիդ Կոժարան հանդիպել է ԵԱՀԿ Մինսկի խմբի համանախագահներ Իգոր Պոպովի, Ժակ Ֆորի, Յեն Քելլիի եւ իր անձնական ներկայացուցիչ Անջեյ Կասպրշիկի հետ` քննարկելու համար Ղարաբաղյան հակամարտության կարգավորման ընթացքը:

ԵԱՀԿ պաշտոնական կայքից տեղեկանում ենք, որ հանդիպման ընթացքում անդրադարձ է եղել անցյալ շաբաթ Փարիզում Հայաստանի եւ Ադրբեջանի արտգործնախարարների հանդիպմանը:

Կոժարան հայտարարել է, որ Ղարաբաղյան կարգավորումը Ուկրաինայի նախագահության առաջնահերթություններից է, եւ կոչ է արել կողմերին` վճռականություն ու քաղաքական կամք դրսեւորել, որպեսզի վերջապես խաղաղություն լինի տարածաշրջանում: