Իրանը Ադրբեջանի տարածքային հավակնություններին նոտայով է պատասխանել

Իրանը Ադրբեջանի ԱԳՆ նոտա է հղել ադրբեջանցի պատգամավորի հայտարարության կապակցությամբ, որը որակել է որպես տարածքային հավակնություն:

Ադրբեջանում Իրանի դեսպանության մամուլի ծառայության ղեկավար Մոհամեդ Այաթոլլահին տեղեկացրել է, որ խոսքը պատգամավոր Սաբիր Ռուստանխանլըի` «Ադրբեջանի հյուսիսի եւ հարավի միջեւ կապերը, ներկայիս իրադրությունը, հեռանկարները եւ խնդիրները» թեմայով համաժողովում արած հայտարարության մասին է. տեղեկացնում է Trend գործակալությունը:

Պատգամավորն իր ելույթում առաջարկել էր Իրանի տարածքում ստեղծել Հարավային Ադրբեջան պետություն: Իրանցի դիվանագետի խոսքերով` նոտան հղվել է այդ հարցը մանրակրկիտ ուսումնասիրելու նպատակով. տեղեկացնում է rosbalt-ը: