ԱՄՆ-ը իր դեսպանին հետ է կանչել Դամասկոսից

ԱՄՆ-ը Դամասկոսում իր դեսպան Ռոբերտ Ֆորդին հետ է կանչել` նրա անվտանգության ապահովման նկատառումներով. տեղեկացնում է Reuters գործակալությունը:

Գործակալության դիվանագիտական աղբյուրի տվյալներով` Ֆորդը Սիրիան լքել է անցած հանգստյան օրերին: Դեսպանի` Դամասկոսում մնալը համարվել է ոչ անվտանգ այն բանից հետո, երբ սիրիական իշխանությունները նրան մեղադրել են երկրի ներքին գործերին միջամտելու մեջ: Օրինակ` նրանք բացասաբար են վերաբերվել այս տարվա հուլիսին ցույցերի ժամանակ նրա այցելությանը Համ քաղաք: Ավելի ուշ, չնայած Սիրիայի ԱԳՆ-ի արգելքին, ամերիկացի դեսպանն այցելել էր Դերաա նահանգը: Իսկ սեպտեմբերին Ֆորդի վրա հարձակում էր տեղի ունեցել. նրա ուղղությամբ պոմիդորներ ու ձվեր էին նետել: