Ուշադրություն է հրավիրել հրադադարի խախտման դեպքերին

Բրյուսելում ՀՀ պաշտպանության նախարար Սեյրան Օհանյանը կարճատեւ առանձնազրույց է ունեցել Ադրբեջանի պաշտպանության նախարար Սաֆար Աբիեւի հետ եւ նրա ուշադրությունը հրավիրել Ադրբեջանի կողմից հրադադարի ռեժիմի խախտման վերջին դեպքերին:

ՊՆ տեղեկատվության եւ հասարակայնության հետ կապերի վարչությունից հաղորդում են նաեւ, որ հոկտեմբերի 6-ին Հայաստանի պաշտպանության նախարարը մասնակցել է Աֆղանստանում ՆԱՏՕ-ի ղեկավարած գործողություններին մասնակցող երկրների եւ Աֆղանստանում Հյուսիսային տարածաշրջանային հրամանատարության ներքո ստորաբաժանումներ տրամադրած երկրների ձեւաչափերով պաշտպանության նախարարների հանդիպումներին: