Հայաստանյան գրախանութներում վաճառվում են ապազգային քարտեզներ

Հայաստանյան գրախանութներում վաճառվում են Հայաստանի և Արցախի քարտեզներ, որոնցում ազատագրված տարածքները ներառված են Ադրբեջանի կազմում. տեղեկացնում է «Ճանաչիր քո երկիրը» երիտասարդական նախաձեռնությունը:

Մինչ հայ հրատարակիչները Ադրբեջանին են «նվիրաբերում» մեր պապենական հողերը, ադրբեջանցիներն իրենց քարտեզներում «յուրացնում» են ոչ միայն այսօրվա ԼՂՀ-ն, այլև հոծ գծով միացնում ԼՂ-ն եւ Նախիջևան` կիսելով Սյունիքը:

«Ճանաչիր քո երկիրը» երիտասարդական նախաձեռնությունը կոչ է անում ապազգային քարտեզների հրատարակիչներին` ջուր չլցնել ադրբեջանական քարոզչամեքենայի ջրաղացին, իսկ գրախանութների տնօրեններին` չնպաստել այդ խայտառակության տարածմանը: