Ճապոնիան թաքցրել է իրական պատկերը

Ճապոնիայի ատոմակայաններում մի քանի տարի շարունակ լուրջ խնդիրներ են եղել, սակայն կառավարությունը թաքցրել է իրական պատկերը. բացահայտում է WikiLeaks-ը:

Ըստ նույն աղբյուրի` 2008-ին Ատոմային էներգետիկայի միջազգային գործակալության ներկայացուցիչը զգուշացրել էր, որ Ճապոնիայի ատոմակայաններում անվտանգության միջոցառումները չեն համապատասխանում ժամանակակից չափանիշներին:

Դրանից հետո Ճապոնիայի իշխանությունները խոստացել էին բարձրացնել կայանների անվտանգության մակարդակը, մասնավորապես` «Ֆուկուսիմա»-ում կառուցելով աղետների հակազդեցության արտակարգ կենտրոն:

Մարտի 11-ին երկիրը ցնցած երկրաշարժը ցույց տվեց, սակայն, որ հակազդեցության կենտրոնը հաշվարկված էր առավելագույնը 7 բալանոց երկրաշարժի համար, մինչդեռ ատոմակայանին վրա հասավ 9 բալանոց ստորգետնյա ցնցում: