Հատուկ բանագնաց Իրանից

Հայաստանի նախագահ Սերժ Սարգսյանն այսօր ընդունել է Իրանի Իսլամական Հանրապետության նախագահի հատուկ բանագնաց, արտաքին գործերի նախարարի տեղակալ Մոհամադռեզա Ռաուֆ Շեյբանիին:

Զրուցակիցներն անդրադարձել են մի շարք ոլորտներում համագործակցության զարգացման վերաբերյալ երկու երկրների նախագահների միջև ձեռք բերված պայմանավորվածությունների իրականացման ընթացքին: Տնտեսական հարաբերությունների ամրապնդման գործում կարևորվել է հայ-իրանական միջկառավարական համատեղ հանձնաժողովի գործունեությունը:

Հայաստանի նախագահը և ԻԻՀ նախագահի հատուկ բանագնացը զրուցել են նաև տարածաշրջանային խնդիրների վերաբերյալ. տեղեկացնում է ՀՀ նախագահի մամուլի գրասենյակը: