Լավ իմացե՛ք, ժողովրդի մեծամասնության կողմից չունեք մանդատ՝ անկլավների անվան տակ Տիգրանաշենը հանձնելու․ Իշխան Սաղաթելյանը՝ ՔՊ-ին

Հայաստանի ԱԺ ամբիոնից ես խոսելու եմ մեր անելիքների մասին և ՀՀ քաղաքացիների հետ։ Այս մասին Ազգային ժողովի անդրանիկ նիստին հայտարարեց ՀՅԴ ՀԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը։

«Մենք երկար տարիներ միասին պայքարել ենք, այս ամբիոնից և ՀՀ տարբեր հրապարակներից բարձրաձայնել ենք մի շարք կարևորագույն խնդիրներ։ Խոսել ենք այս իշխանության բնույթի և բովանդակության մասին։ Եվ ամեն ինչ անելու ենք փոփոխության հասնելու համար»,- նշեց Սաղաթելյանը։

Դիմելով իշխանությանը՝ պատգամավորը նշեց, որ «Քաղաքացիական պայմանագիր»-ը չունի ժողովրդի մեծամասնության մանդատը՝ երկիրը արկածախնդրության տանելու համար։