«Կարո՞ղ եք երաշխավորել, որ որևէ դեպքում Տիգրանաշենը չեք հանձնելու». Ռուբեն Ռուբինյանը չի կարողանում պատասխանել Իշխան Սաղաթելյանի ուղիղ հարցին, փոխարենը խոսում է տարածքների՝ ինչ-որ օպտիմալացման մասին, որ «անկլավները ևս կարող են օպտիմալացվել

«Իբրև ԱԺ նախագահի թեկնածու, կարո՞ղ եք հայտարարել և երաշխավորել, որ ձեր իշխնության տարիներին որևէ պարագայում, որևէ պատրվակով և որևէ դեպքում Տիգրանաշենը չեք հանձնելու»,- ԱԺ նիստում 9-րդ գումարման ԱԺ նախագահի թեկնածու Ռուբեն Ռուբինյանին հարց ուղղեց ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը:

Ռուբինյանը պատասխանեց. ««Ես կարող եմ երաշխավորել, որ Հայաստանի միջազգայնորեն ճանաչված տարածքը 29,743 քառակուսի կմ է, և դա լիակատար ու անքննարկելի կարմիր գիծ է, ես կարող եմ երաշխավորել, որ ՀՀ կառավարության հայտարարած ծրագիրը, որը հավանության է արժանացել ժողովրդի կողմից, հետևյալն է, որ այն բոլոր տարածքները, որոնք Հայաստանի միջազգայնորեն ճանաչված սահմաններից ներս են, պետք է լինեն մեր վերահսկողության ներքո, և այդ հարցը պետք է լուծվի սահմանազատման շրջանակներում»: