ԱՄՆ-ն Իրանին առաջարկել է կարգավորման նոր՝ հինգ կետից բաղկացած ծրագիր

ԱՄՆ-ն Իրանին առաջարկել է կարգավորման նոր՝ հինգ կետից բաղկացած ծրագիր։ Այս մասին փոխանցում է իրանական Fars գործակալությունը։

Հինգ կետերը՝ ստորև.

«ԱՄՆ-ի կողմից որևէ տեսակի փոխհատուցումների կամ վնասների վճարումների հրաժարում

Իրանից 400 կգ ուրանի դուրսբերում և փոխանցում ԱՄՆ-ին

Իրանում միջուկային օբյեկտներից միայն մեկի գործունեության շարունակություն

Իրանական սառեցված ակտիվների նույնիսկ 25%-ի ապասառեցումից հրաժարում

Ռազմական գործողությունների դադարեցումը ամբողջությամբ կախված կլինի բանակցությունների ավարտից»։

Հիշեցնենք՝ ԱՄՆ-ը և Իսրայելը Իրանի դեմ պատերազմը սկսել են փետրվարի 28-ին։

Ապրիլի 11-ին Թեհրանի և Վաշինգտոնի պատվիրակությունները բանակցություններ վարեցին Իսլամաբադում, սակայն մի շարք հակասությունների պատճառով համաձայնության չեկան հակամարտության երկարաժամկետ կարգավորման հարցում։ Ապրիլի 21-ին ԱՄՆ նախագահը հայտարարեց Իրանի հետ հրադադարի ռեժիմը երկարաձգելու մտադրության մասին։

Սակայն Թեհրանը մտադիր չէ ճանաչել Վաշինգտոնի կողմից միակողմանիորեն հայտարարված հրադադարի երկարաձգումը և գործելու է իր շահերին համապատասխան։