Արշակ Սրբազանի կալանքը երկարացվեց, նրա գործով իրեղեն ապացույցն էլ չի կորել․ փաստաբան

Երևանի ընդհանուր իրավասության քրեական դատարանը՝ դատավոր Կարեն Ֆարխոյանի նախագահությամբ, որոշեց ևս երկու ամսով երկարաձգել Արշակ Սրբազանի կալանքի ժամկետը։ Փաստաբան Արսեն Բաբայանը տեղեկացրեց, որ դատարանը թույլատրել է Արշակ Սրբազանի քրոջ երեխաներին տեսակցել նրան։ Լրագրողների հարցին ի պատասխան փաստաբանը նաև նշեց, որ գործով իրեղեն ապացույց թմրանյութի գլանակը չի անհետացել։ Ըստ Արսեն Բաբայանի՝ նման հավաստիացում է արել քննիչը։ 

Հիշեցնենք, որ մամուլում տեղեկություններ են շրջանառվել, համաձայն որի՝  Արշակ արքեպիսկոպոս Խաչատրյանի գործով իրեղեն ապացույցը կորել է։  Խոսքը, մասնավորապես,  թմրանյութով գլանակի կորստի մասին է, որը հայտնաբերվել է դեռ 2018թ Վեհափառի դեմ ակցիա իրականացնող անձանցից մեկի պայուսակում։ Գլանակն անհետացել է Արմավիրի մարզային քննչական վարչությունից։