Սիրիայի քրդերի պայքարը ինքնավարության համար ավարտվեց. Բորիս Մուրազի

Politik.am կայքի խմբագիր Բորիս Մուրազին գրում է․

Սիրիայի քրդերի պայքարը ինքնավարության համար ավարտվեց։ ԱՄՆ-Թուրքիա համաձայնությունը կայացավ։ Ահա փաստաթուղթը, որը կնքվեց Սիրիայի նախագահ Ջուլանիի և քրդերի ռազմական առաջնորդ Աբդիի միջև։ Ամեն դեպքում քրդերը դեռ շանս ունեն, քանի որ դեմոգրաֆիա կա։

Հրադադարի և ամբողջական ինտեգրման համաձայնագիր

Առաջին․

Հրադադարի ամբողջական և անհապաղ հաստատում բոլոր ճակատներում և շփման գծերում՝ Սիրիայի կառավարական ուժերի և Սիրիայի ժողովրդավարական ուժերի միջև, զուգահեռաբար՝ «ՔՍԴ»-ին (QSD) ենթակա բոլոր ռազմական կազմավորումների դուրսբերում Արևելյան Եփրատի շրջան՝ որպես վերահաս տեղակայման նախապատրաստական քայլ։

Երկրորդ․

Դեյր էզ-Զորի և Ռաքքայի նահանգների անհապաղ հանձնումը Սիրիայի կառավարությանը՝ վարչական և ռազմական առումով, ներառյալ բոլոր քաղաքացիական հաստատությունների և կառույցների փոխանցումը։ Միաժամանակ՝ պետական գերատեսչություններին ենթակա գործող քաղաքացիական աշխատակիցների անհապաղ հաստատում իրենց պաշտոններում և կառավարության պարտավորությունը՝ չհետապնդել «ՔՍԴ»-ի աշխատակիցներին և քաղաքացիական կառավարման անդամներին երկու նահանգներում։

Երրորդ․

Հասաքե նահանգում գործող բոլոր քաղաքացիական հաստատությունների ինտեգրում Սիրիայի պետության կառույցների և վարչական համակարգի մեջ։

Չորրորդ․

Սիրիայի կառավարության կողմից սահմանային անցակետերի, նավթագազային հանքավայրերի ամբողջական վերահսկողության ստանձնումը և դրանց պաշտպանության ապահովումը կարգապահ ուժերի կողմից՝ պետական ռեսուրսների վերադարձը երաշխավորելու նպատակով։

Հինգերորդ․

«ՔՍԴ»-ի բոլոր ռազմական և անվտանգության անձնակազմի ինտեգրում Սիրիայի պաշտպանության և ներքին գործերի նախարարությունների կառուցվածքի մեջ՝ անհատական կարգով, անհրաժեշտ անվտանգության ստուգումից հետո, նրանց զինվորական կոչումների, աշխատավարձերի, նյութատեխնիկական և լոգիստիկ իրավունքների պահպանմամբ, ինչպես նաև քրդական շրջանների առանձնահատկությունների պաշտպանությամբ։

Վեցերորդ․

«ՔՍԴ»-ի ղեկավարության պարտավորությունը՝ չընդգրկել նախկին ռեժիմի մնացորդներին իրենց շարքերը և Սիրիայի հյուսիս-արևելքում գտնվող նախկին ռեժիմի սպաների ցուցակները փոխանցել Սիրիայի կառավարությանը։

Յոթերորդ․

Նախագահական հրամանագրի ընդունում՝ Հասաքեի նահանգապետի պաշտոնում թեկնածու նշանակելու վերաբերյալ՝ որպես քաղաքական մասնակցության և տեղական ներկայացվածության երաշխիք։

Ութերորդ․

Այն Ալ-Այն / Կոբանի քաղաքների ռազմական ծանր ներկայության վերացում և քաղաքի բնակիչներից կազմված անվտանգության ուժի ձևավորում, ինչպես նաև քաղաքային ոստիկանության վրա հենվելը, որը վարչականորեն ենթակա կլինի Սիրիայի Ներքին գործերի նախարարությանը։

Իններորդ․

ԴԱԻՇ-ի բանտարկյալների և ճամբարների գործերով զբաղվող կառույցների ինտեգրում Սիրիայի կառավարության հետ՝ այդ օբյեկտների պաշտպանության համար պատասխանատու ուժերի հետ միասին, որպեսզի Սիրիայի կառավարությունը լիարժեք ստանձնի դրանց նկատմամբ իրավական և անվտանգության պատասխանատվությունը։

Տասներորդ․

Հաստատվում է «ՔՍԴ»-ի ղեկավարության կողմից ներկայացված թեկնածությունների ցանկը՝ կենտրոնական պետության կառուցվածքում բարձր մակարդակի ռազմական, անվտանգության և քաղաքացիական պաշտոններ զբաղեցնելու համար՝ ազգային գործընկերությունն ապահովելու նպատակով։

Տասնմեկերորդ․

Ողջունվում է 2026 թվականի №13 նախագահական հրամանագիրը, որը նախատեսում է ճանաչել քրդական մշակութային և լեզվական իրավունքները, ինչպես նաև կարգավորել քաղաքացիական և իրավական հարցերը սահմանափակված անձանց համար և վերականգնել սեփականության իրավունքները՝ նախորդ պայմանագրերից կուտակված խնդիրների շրջանակում։

Տասներկրորդ․

«ՔՍԴ»-ն պարտավորվում է Սիրիայի Արաբական Հանրապետության սահմաններից դուրս բերել Քրդական աշխատավորական կուսակցության (PKK) բոլոր ոչ սիրիացի ղեկավարներին և անդամներին՝ Սիրիայի ինքնիշխանությունն ու հարևան երկրների կայունությունը ապահովելու նպատակով։

Տասներեքերորդ․

Սիրիայի պետությունը պարտավորվում է շարունակել ահաբեկչության դեմ պայքարը (ԴԱԻՇ)՝ որպես միջազգային կոալիցիայի ակտիվ անդամ՝ Միացյալ Նահանգների հետ համատեղ համակարգմամբ, տարածաշրջանի անվտանգության և կայունության ապահովման նպատակով։

Տասնչորսերորդ․

Կատարվում է աշխատանք՝ Աֆրին և Շեյխ Մաքսուդ շրջանների բնակիչների համար անվտանգ և արժանապատիվ վերադարձի վերաբերյալ համաձայնությունների ձեռքբերման ուղղությամբ՝ նրանց բնակավայրեր։

Ստորագրություններ

Սիրիայի Արաբական Հանրապետության նախագահ

Ահմադ ալ-Շարա

Սիրիայի ժողովրդավարական ուժերի հրամանատար

Մազլում Աբդի