Վենեսուելայի դեմ ԱՄՆ-ի զինված ակտը դատապարտելի է․ ՌԴ ԱԳՆ

«Այսօր առավոտյան Միացյալ Նահանգները զինված ագրեսիայի ակտ է իրականացրել Վենեսուելայի դեմ։ Սա խորապես մտահոգիչ է և դատապարտելի»,-հայտարարություն է տարածել ՌԴ ԱԳՆ-ն։  Հայտարարության մեջ նշվում է, որ նման գործողություններն արդարացնելու ցանկացած փորձ անհիմն է։

«Ստեղծված իրավիճակում, առաջին հերթին, կարևոր է կանխել հետագա սրացումը և կենտրոնանալ երկխոսության միջոցով ելք գտնելու վրա։ Մենք կարծում ենք, որ բոլոր գործընկերները, ովքեր կարող են դժգոհություններ ունենալ միմյանց նկատմամբ, պետք է խնդիրների լուծումները փնտրեն երկխոսության միջոցով։ Մենք պատրաստ ենք աջակցել նրանց այս հարցում»,ասցած է ՌԴ ԱԳՆ հայտարարության մեջ։

«Լատինական Ամերիկան ​​պետք է մնա խաղաղության գոտի, ինչպես այն հռչակեց իրեն 2014 թվականին։ Մենք վերահաստատում ենք մեր համերաշխությունը Վենեսուելայի ժողովրդին և մեր աջակցությունն ենք հայտնում երկրի ղեկավարության քաղաքական կուրսին, որն ուղղված է երկրի ազգային շահերի և ինքնիշխանության պաշտպանությանը։

Մենք աջակցում ենք Վենեսուելայի իշխանությունների և Լատինաամերիկյան երկրների ղեկավարների հայտարարությանը, որով կոչ է արվում անհապաղ գումարել ՄԱԿ-ի Անվտանգության խորհրդի նիստ։

Ռուսաստանի դեսպանատունը Կարակասում գործում է բնականոն հունով՝ հաշվի առնելով ստեղծված իրավիճակը, և մշտական ​​կապի մեջ է Վենեսուելայի իշխանությունների և Վենեսուելայում գտնվող Ռուսաստանի քաղաքացիների հետ։ Այս պահին Ռուսաստանի քաղաքացիների  վիրավովելու, զոհվելու մասին տեղեկություններ չկան»,-ասվում է հայտարարության  մեջ։