Հանրային ճնշման միջոցով կարող ենք ստիպել պետական մարմիններին գործել․ Արծվիկ Մինասյան

«Հայաստան» խմբակցություն քարտուղար Արծվիկ Մինասյանը ճեպազրույցում անդրադարձել է քաղաքական գործընթացներին՝ նշելով, որ իշխանությունները փորձում են որոշ հարցեր ձգձգել և դրանք ընտրությունների շրջանում ներկայացնել։ Նրա խոսքով՝ դա քաղաքականապես ճիշտ լուծում չէ։

Մինասյանը շեշտել է, որ հանրահավաքների միջոցով ճնշումներ գործադրելու տարբերակը միշտ հնարավոր է, սակայն ավելի կարևոր է հասկանալ դրանց արդյունավետությունը.

«Եթե իսկապես 100 հազարավոր մարդիկ դուրս գան փողոց և պահանջեն, դա կլինի այն ահռելի գործողությունը, որը իշխանությունը չի կարող կասեցնել»,- նշել է Մինասյանը։

Նրա խոսքով՝ իշխանությունների մոտեցումը սխալ է, երբ ասում են, թե դժգոհները պետք է միայն փողոց դուրս գան․

«Ժողովրդի մեծամասնությունը դժգոհ է այս վարքագծից, բայց իր վերաբերմունքն կարող է արտահայտել նաև քվեախցում»։

Մինասյանը վստահեցրել է, որ ժողովուրդը կտրուկ ու ճիշտ ձևով պատասխանելու է իշխանություններին՝ զրկելով նրանց վերարտադրվելու հնարավորությունից։

Մանրամասն՝ տեսանյութում։