Ռուսաստանը հետևողականորեն աջակցում է Հայաստանի և Ադրբեջանի միջև կայուն խաղաղությանը. Զախարովա

Ռուսաստանը հետևողականորեն աջակցում է Հայաստանի և Ադրբեջանի միջև կայուն խաղաղությանը։ Այս մասին այսօրվա ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Նրա խոսքով՝ դժվար է գնահատել Ռուսաստանի ներդրումը հարաբերությունների կարգավորման գործընթացում, և Հայաստանի և Ադրբեջանի միջև հարաբերությունների կարգավորման ներկայիս փուլը սկսվել է Ռուսաստանի և անձամբ նախագահ Վլադիմիր Պուտինի ակտիվ աջակցությամբ։

Դիվանագետը հիշեցրել է, որ Մոսկվայի անմիջական մասնակցությամբ 2020-2022 թվականներին հնարավոր է եղել հասնել եռակողմ համաձայնությունների` ամենաբարձր մակարդակով։ Դրանք բառացիորեն դադարեցրել են արյունահեղությունը և սահմանել խաղաղության գործընթացի հիմնական ուղղությունները։