Էրդողանն ու Թրամփը նախատեսում են հանդիպել ՆԱՏՕ-ի գագաթնաժողովից առաջ. ԶԼՄ

Թուրքիայի և ԱՄՆ-ի նախագահներ Ռեջեփ Թայիփ Էրդողանն ու Դոնալդ Թրամփը նախատեսում են հանդիպել ՆԱՏՕ-ի գագաթնաժողովից առաջ: Տեղեկությունը հայտնում է «Türkiye» թերթը՝ հղում անելով իր աղբյուրներին։

Թուրքիայի արտաքին քաղաքական գերատեսչության ղեկավար Հաքան Ֆիդանն ավելի վաղ հայտարարել էր, որ Անկարան և Վաշինգտոնը որոշում են Թուրքիայի և ԱՄՆ նախագահների ծրագրվող բանակցությունների օրն ու վայրը:

«Առաջին միջազգային գագաթնաժողովը, որին Էրդողանն ու Թրամփը կմասնակցեն, հունիսի 24-25-ը Հաագայում (Նիդեռլանդներ) կայանալիք ՆԱՏՕ-ի գագաթաժողովն է։ Սակայն սպասվում է, որ մինչ այդ երկու առաջնորդները կհանդիպեն Թուրքիայում կամ ԱՄՆ-ում», - գրում է պարբերականը։

CNN-ն ավելի վաղ հայտնել էր, որ հնարավոր է` ԱՄՆ–ի առաջնորդը հաջորդ ամիս այցելի Թուրքիա, Սաուդյան Արաբիա, Կատար և ԱՄԷ, սակայն այս ուղևորության վերաբերյալ վերջնական որոշում դեռ չի կայացվել։