Ռուսական ՀՕՊ-ը մեկ գիշերվա ընթացքում խոցել է 15 ուկրաինական ԱԹՍ․ ՊՆ

Ռուսական ՀՕՊ-ի հերթապահ միջոցներն անցած գիշերվա ընթացքում ոչնչացրել են 15 ուկրաինական անօդաչու թռչող սարք, հայտնում է Ռուսաստանի պաշտպանական գերատեսչությունը:

Նշվում է, որ դրանցից յոթը խոցվել են Կրասնոդարի երկրամասի տարածքում, երեքը՝ Բրյանսկի մարզում, երկուսը՝ Ռոստովի, մեկական՝ Բելգորոդի և Կուրսկի շրջաններում և Ղրիմում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։