ՀՕՊ-ը գիշերվա ընթացքում 47 ուկրաինական ԱԹՍ է խոցել Ռուսաստանի տարածքում. ՊՆ

Ռուսական հակաօդային պաշտպանության համակարգերն այս գիշեր 47 ուկրաինական անօդաչու թռչող սարք են խոցել Ռուսաստանի տարածքում։ Տեղեկությունը հայտնում է ՌԴ պաշտպանության նախարարությունը։

«ՀՕՊ հերթապահ միջոցները որսացել և ոչնչացրել են 47 ուկրաինական ԱԹՍ, 12-ը` Վորոնեժի մարզի տարածքում, 11-ը` Բելոգորոդի մարզի, 7-ը` Սև ծովի ջրատարա]քում, 6-ը` Ռոստովի մարզի, 4-ը` Վոլգոգրադի մարզի, 3-ը` Աստրախանի մարզի, 1-ական` Բրյանսկի, Կուրսկի և Սամարայի մարզերի տարածքներում և Ազովի ծովի ջրատարածքում», - ասված է հաղորդագրությունում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։