Հանրապետության հրապարակում մի խումբ ադրբեջանցիներ ադրբեջաներեն երգում են «Ղարաբաղ»

Հանրապետության հրապարակում մի խումբ ադրբեջանցիներ ադրբեջաներեն երգում են «Ղարաբաղ»: Այս մասին տեղեկանում ենք Ռազմավարական հետազոտությունների անկախ կենտրոնի էջից:

«Պատկերացնու՞մ եք, թե ինչ կլիներ Բաքվի հայ երիտասարդների խմբի հետ, եթե հայերեն երգ երգեին, թեկուզ դա հայրենասիրական չլիներ։ Ի՞նչ է կատարվում Հայաստանում, ժողովուրդ։ Ինչի՞ են վերածել մեր երկիրը իշխանության այս կոռումպացված տականքները, որ ադրբեջանցիները Երեւանի կենտրոնում իրենց այդքան լկտի են պահում։ Ինչո՞ւ են թուրքերն ու ադրբեջանցիները ազատորեն գալիս Հայաստան և իրենց այդքան լկտիաբար պահում. մեկ Ծիծեռնակաբերդում «գորշ գայլ» ցուցանակներ են ցույց տալիս, մեկ Երևանի կենտրոնում ադրբեջանական «Ղարաբաղ» երգն են երգում իրենց ադրբեջաներենով։ 

Հայեր, ինչ է կատարվում ձեզ հետ, ինչո՞ւ եք լռում, ինչո՞ւ եք հանդուրժում այս դավաճան ու կոռումպացված իշխանությունների բոլոր չարաշահումները։ Մինչեւ ե՞րբ եք այս ամենը հանդուրժելու ու լռելու։ Ամո՛թ»,- նշված է տարածած հայտարարություն մեջ։