ԱՄՆ-ում հանցավոր խումբ են բացահայտել, որի կազմում նաև ադրբեջանցիներ են եղել

ԱՄՆ ոստիկանությունը հանցավոր խմբավորում է բացահայտել, որը զբաղվել է ավտոմեքենաների հետ կապված խարդախություններով. հայտնում է РИА «Новости»-ն:

Խումբը կազմված է եղել 25 մարդուց. 2-ը Ուկրաինայի քաղաքացիներ են, 2-ը` Լատվիայի, 4-ը` Ադրբեջանի, 7-ը` ՌԴ-ի, 5-ը` Վրաստանի, 3-ը` Ղազախստանի: Մեղադրյալներ թվում կան ԱՄՆ և Թուրքիայի քաղաքացիներ:

Ըստ ոստիկանության տվյալների` մեքենաներ գնել ցանկացող քաղաքացիներից հանցագործները, կեղծ ընկերություններ բացելով, գումարներ են շորթել` ընդհանուր առմամբ, մոտ 4,5 մլն դոլար, ապա` փախուստի դիմել:

Ամերիկյան օրենքներով` խարդախության համար նրանց սպառնում է 30 տարվա ազատազրկում: Հանցագործներին մեղսագրվում է նաև փողերի լվացումը, որի համար էլ սպառնում է 20 տարվա բանտարկություն: