Ռուսաստանյան գրոհող զորքերին մնացել է ընդամենը 7 կմ մինչև Դնեպրոպետրովսկի մարզ, որտեղ դեռ մարտեր չեն եղել

Միայն տարեսկզբից ռուսաստանյան բանակը ռազմավարական նշանակություն ունեցող Պոկրովսկ քաղաքից հարավ ութ գյուղ է գրավել և, կարծես թե, նրա առաջխաղացումը այլևս հնարավոր չէ կասեցնել, գրում է Bild-ը։

Քաղաքը դիմացից գրոհելու փոխարեն, ռուսաստանյան ստորաբաժանումները այն շրջանցում են հարավից, մարտավարություն, որն արդեն մի քանի անգամ օգնել է հաղթել ուկրաինացի սակավաթիվ պաշտպաններին: Ռուսաստանցի զինվորականները ցամաքում գրեթե դիմադրության չեն հանդիպում, սակայն հաճախ հարձակման են ենթարկվում ուկրաինական անօդաչու թռչող սարքերի կողմից: Զինվորների սղության պատճառով Ուկրաինայի զինված ուժերը կարող են միայն դանդաղեցնել հակառակորդի առաջխաղացումը, բայց ոչ կասեցնել այն։

Ընդամենը մի քանի շաբաթ հետո պատերազմը կարող է տեղափոխվել Դնեպրոպետրովսկի մարզ. ռուսաստանյան զորքերին մնացել է 7 կմ՝ դրան հասնելու համար։ Այնտեղ դեռ մարտեր չեն եղել։ Բացի տեղի միլիոնավոր բնակիչներից, Ուկրաինայի արևելյան և հարավային պատերազմական գոտիներից այստեղ են տեղափոխվել  հարյուր հազարավոր փախստականներ: