Կրեմլը հույս է հայտնել, որ Փաշինյանը կմասնակցի ԵԱՏՄ գագաթնաժողովին

ՌԴ նախագահի մամուլի քարտուղար Դմիտրի Պեսկովը հույս է հայտնել, որ ՀՀ վարչապետ Նիկոլ Փաշինյանը հինգշաբթի օրը տեսակոնֆերանսի միջոցով կմասնակցի ԵԱՏՄ գագաթնաժողովին։ 

Պեսկովը լրագրողներին հայտնել է, որ չորեքշաբթի ՌԴ նախագահ Վլադիմիր Պուտինը Լենինգրադի մարզում ԱՊՀ ղեկավարների հետ ոչ պաշտոնական գագաթնաժողով կունենա: Նա հստակեցրել է, որ միջոցառմանը պետության ղեկավարի ելույթը բաց կլինի ԶԼՄ-ների համար:

«Այսօր, ցավոք, Հայաստանի վարչապետ Փաշինյանը չի կարողանա անմիջականորեն ներկա գտնվել ոչ պաշտոնական հաղորդակցությանը: Գիտեք, նա ինքը նախօրեին հայտարարել էր, որ դրական թեստ է ստացել: Նա որոշել է մեկուսացվել։ Բայց մենք հուսով ենք, որ վաղը, իսկ վաղը արդեն կլինի ԵԱՏՄ գագաթնաժողովով նախատեսված մի մասը, նա կկարողանա մասնակցել տեսակոնֆերանսի միջոցով»,- ասել է Պեսկովը։