Նիգերի արևմուտքում զինված հարձակումների հետևանքով զոհվել է մոտ 40 մարդ

Նիգերի արևմուտքում զինված հարձակումների հետևանքով զոհվել է գրեթե 40 խաղաղ բնակիչ։ Այդ մասին հայտնում է Agence France-Presse-ը՝ վկայակոչելով երկրի պաշտպանության նախարարությանը։

«Նիգերի արևմուտքում վերջին օրերին երկու հարձակումների հետևանքով զոհվել է 39 մարդ»,-«ՌԻԱ նովոստի»-ի փոխանցմամբ, գրում է գործակալությունը։

Նշվում է, որ հարձակումները տեղի են ունեցել Բուրկինա Ֆասոյի հետ երկրի սահմանին գտնվող Լիբիրի և Կոկորու բնակավայրերի մոտ։

Այս շաբաթվա սկզբին Agence France-Presse-ը հայտնել էր, որ նիգերի բանակի տասը զինվոր է զոհվել, ևս 7-ը վիրավորվել են երկրի արևմուտքում՝ Բուրկինա Ֆասոյի հետ սահմանի մոտ տեղի ունեցած հարձակման հետևանքով: