Հարավային Կորեան քվեարկում է նախագահի իմփիչմենթի հարցով

Իշխող «Քաղաքացիական ուժ» կուսակցությունից միայն մեկ օրենսդիր է ներկա Հարավային Կորեայի Ազգային ժողովի նիստերի դահլիճում՝ նախագահ Յուն Սեոկ Յոլի իմփիչմենթի քվեարկության համար, գրում է РИА Новости-ն։

Նախագահ կնոջ նկատմամբ հատուկ հետաքննության  հարցով քվեարկությունից հետո իշխող կուսակցության բոլոր պատգամավորները լքել են դահլիճը։ Այդ օրինագիծը, ի վերջո, չի ընդունվեկ, դեմ է արտահայտվել «Քաղաքացիական ուժերի» 102 ներկայացուցիչ։

Ավելի վաղ ընդդիմադիր կուսակցությունների ներկայացուցիչները նախագահին իմփիչմենթ հայտնելու որոշման նախագիծ էին պատրաստել և խորհրդարանին ներկայացրել՝ մեղադրելով նրան իշխանությունը բռնությամբ զավթելու և պաշտոնական լիազորությունները գերազանցելու մեջ՝ այն է առանց պատշաճ հիմքերի և օրենքի խախտմամբ ռազմական դրություն մտցնելը։

Նախագահին իմպիչմենթի ենթարկելու համար անհրաժեշտ է Ազգային ժողովի 300 պատգամավորներից 200-ի ձայնը։ Ընդդիմությունն ունի ընդհանուր առմամբ 192 ձայն։