Հարավային Կորեան պատասխանել է Հյուսիսայինի վերջնագրին

Կորեայի Հանրապետությունը մերժել է ԿԺԴՀ-ի վերջնագիրը Սեուլի «թշնամական գործողությունների» մասին:

Երկրի պաշտպանության նախարարության պաշտոնական ներկայացուցիչը հայտարարել է, որ իրենք  կոշտ պատասխան կտան հյուսիսային հարեւանների ցանկացած սադրանքի. տեղեկացնում է ИТАР-ТАСС-ը:

Հիշեցնենք, որ հարավկորեացի ակտիվիստները ապրիլի 15-ին` ԿԺԴՀ հիմնադիր Կիմ Իր Սենի 101-րդ տարեդարձի օրը Սեուլում այրել էին նրա, նրա որդու Կիմ Չեն Իրի եւ թոռան` Կիմ Չեն Ընի նկարները: Այդ կապակցությամբ ԿԺԴՀ-ն վերջնագիր էր ներկայացրել, ըստ որի` նոր վիրավորանքների դեպքում ԿԺԴՀ-ն կհարձակվի իր հակառակորդների վրա առանց զգուշացման, եւ եթե Հարավային Կորեան ցանկանում է երկխոսություն սկսել ԿԺԴՀ-ի հետ, պետք է ներողություն խնդրի վիրավորական գործողությունների համար: